PLAN PROXECTA

  O pasado venres 15 de novembro, os alumnos e alumnas de 3º de Educación Primaria, tiveron a sorte de visitar o Museo Etnolúdico de Galicia (MELGA), que se atopa moi preto do noso concello, concretamente no municipio de Ponteceso. Tiveron a oportunidade de coñecer xogos e deportes tradicionais galegos, doutras comuninades autónomas e doutros países. Tamén puideron descubrir a evolución histórica dos xogos e dos deportes, dende a prehistoria ata a actualidade. Pero sen dúbida, o mellor da xornada foi... XOGAR!  Nin as profes, nin os rapaces e rapazas malgastaron a oportunidade de probar e experimentar os diferentes xogos e deportes. Esta visita foi un bo exemplo de que aprender é divertido!

  Esta semana e a semana pasada, os nenos e nenas de 4º e 5º de Educación Infantil, disfrutaron dunha andaina polo bosque "encantado" de Cances. Ademais de mover o corpo, poideron disfrutar dunha marabillosa xornada de outono, descubrindo e apreciando a flora e a fauna dunha paisaxe privilexiada.  E non perderon o tempo, xa que entre o paseo e a merenda... aproveitaron para apañar castañas!

No mes de setembro as Escolas de Balonmán Xiria visitaron o noso centro, tendo así a oportunidade de desfrutar, coñecer e achegarnos máis a este deporte en equipo! Algún neno ou algunha nena quedaría con ganas de máis?